我單人匹馬辛辛苦苦寫的system終於出街了!

挨左咁耐, 終於都出街了! 雖然先天不足 (vendor 俾我地d 地方data真係唔夠好), 但起碼我寫個system都見得下人丫...真係開心!

但.... 宜家只係惡夢的開始, 因為老細得一想二, 竟然佢就開開心心去兩星期旅行, 但就我趕起埋個手提電話版地圖, 同埋叫我果team 做之後 N 咁多個projects , 我又要帶team, 又要寫 system, 邊有咁多時間做? -_-"

旅行後遺症

所謂旅行後遺症, 就係好想再放假, 唔捨得個假期, 奈何已經冇晒假期quota, 已經宜家公司有好多projects 要做, 雖然我果team 又多左一個新同事, 不過老細又俾多幾樣野我地做, 最後咪又係唔夠人手.... -_-

呢排成日都 OT, 又變返做化石........stick 左o係個位度做做做冇停手.........好眼訓...好頭痛.........好累呀.... 不過鬼叫你窮咩...頂硬上 >_<

令人感動的晚餐

話說我父母去左昆明旅行八日, 照理上我應該冇啖好食的, 但真的多謝 Joanne 來幫我整晚餐, 仲要係我至鍾意食的鵝肝同埋好好味的螺絲粉. 雖則我唔應該食咁高膽固醇的鵝肝, 但一次半次冇咩所謂啦, right? XD~~~
 

去完旅行, 勁開心

終於去完十天的奧地利捷克之旅, 玩完relax完, 人都爽d, 果度的黃昏真的好正


以下係我岩岩寫好的遊記:
http://www.poonpoon.net/tea/travel.php?subject=eu200506&page=1

仲有相簿:
http://photos.poonpoon.net/view_album.php?set_albumName=eu200506_bear

在這個旅程中, 雖然時間唔夠多, 又撞過幾次板, 但對我黎講真係一個好好的經驗, 包括坐長途機啦, 去歐洲自助遊啦, 用晒d假同用咁多錢去旅行啦... 第一次見到咁靚的風景驚歎到發呆, 日日食cheese 食到好掛住媽媽屋企的飯, 香港的餃子和魚蛋啦...等等的經驗, 以前都未試過的. 就算唔係揹住背囊, 都有少少relax 流浪的心情, 令到平時在工作上忙碌和精神緊張的我, 有一個好好的機會充一充電, 希望遲d再有機會去長途旅遊, 但一定要先儲夠假期同埋彈藥先....