鋼之煉金術師的等價交換

近期終於由頭再睇返呢套動畫 - 鋼之煉金術師, 尋晚終於睇完51集了...

呢套動畫帶出了一個重要訊息 (差不多集集開頭都會講一次, 驚死你唔知 XD), 就是:
人沒有犧牲的話就什麼都得不到，為了得到什麼東西，就必須付出同等的代價，這叫做等價交換. 這是煉金術的法則，也是這個世界共知的法則。

沒有付出，就不會有得到，我們所受的疼痛，一定會成為得到什麼的代價，還有人類通過努力，就一定會能得到什麼

我一路睇都有好深的感受, 雖然話唔係個個付出努力都可以得到佢地想要既野, 但我仍然相信, 只要努力, 你在過程中已得到一些經驗, 亦會得到收獲, 人唔係淨係睇結果的, 過程的喜與悲都可以豐富我們的人生.


鋼之煉金術師官方網站

個人悶左

悶左, 唔係我自己覺悶, 而係冇以前咁多諗頭諗去玩乜食乜, 搞到其他人都悶埋, 唔知係因為年紀大左冇咁貪玩, 定係工作忙左根本冇時間搵料? anyway la, 我真係唔想咁... 唔係就會變古老石山 >_<

累

呢排真係身心疲累, 心... 之前有唔開心又點會唔累丫, 身... 返工行turbo做野, 完全累到hup埋眼都訓得著, 但又唔知點解訓極都唔夠咁...好累呀~~~~

for loop: 開會做野..開會做野...

唔知點解呢排多左咁多會開, 明明未必係我理開既野, manager or CTO 都叫我一齊去聽, 有同事話係咪俾機會我, 佢地唔係成日帶人出去同第d公司的人開會, 我自己就唔想有太大期望了. 期望大自然失望大, 宜家我只係想俾人知道, 我唔係冇做野囉, 所以呢兩日都勁做野, 亦做好左好多工作, 但人地係咪真係會睇到呢? -_-

management可信嗎?

之前上司同我講遲d會俾我管多一瓣, 我果team會grow得好快, 變做最多人的team. 朋友話佢自從由上一間公司離職, 已 0% 相信management講既野, 我個case 是真是假? 咪睇下點先囉...

公司打風

打風者, 有事發生也. 今日公司有同事忍唔住 CTO 話佢而當眾同CTO 鬧大交, 最後仲遞埋辭職信, 引起公眾嘩然! 有d人覺得佢太衝動無謂撩起老細把火, 有d人覺得佢夠勇夠型做左佢地心目中想做既野.

點都好啦, 呢位同事最後都決定走, 我平時都同佢幾熟, 佢好肯幫人, 亦係平日工作上幫過我唔少, 聽佢講佢都屈左好耐先鬧老細.

祝佢前程錦繡! 佢絕對夠料好快搵到第份好工的 ^^

好勝的我

呢幾日都成日諗自己當真幾好勝, 分數可能差一兩分, 但自己就好唔甘心俾人因為執住一點而睇唔到我其他好努力做左既野, 有朋友叫我唔駛太執著, 總之 bonus 分得比人多就得啦!

冇錯, 我係好勝, 唔想輸俾人. 如果係我自己真係好衰樣樣都冇做好, 都會心服口服丫... 有時太執著, 真係會令自己唔太開心的....

"投入"工作? "參與"其他工作?

其實點為之"投入"工作呢? 真係慢慢做, o係返工果8小時裡面唔做其他野就叫"投入"工作? 如果我手腳快, 做左人地兩日要做既野, 仲有時間睇下網,玩下msn, 咁樣就唔係"投入"?

另外, 點為之要"參與其他工作"呢? 如果人人都要你幫手做野, 你都已幫手做完, 根本冇時間"主動"去搵野做, 咁又係咪叫冇"參與其他工作"呢?

d definition 真難明...

keep fit 減肥!

個肚腩出晒黎, 要努力開始keep fit減肥大計, 現在已開始食返少d野, 同埋唔好食咁多致肥既食物
遲d 要做返gym先!

係意大利球迷既問題, 定係大莊搵人做野?

尋晚果場國米 vs AC, 73分鐘俾國米球迷放煙花搞到場賽事腰斬, 本來如果keep住冇事發生, AC 係 win 1:0, 我就會中大細4x1全數 (宜家果場當1倍賠錢), 中波膽, 中埋果條讓球, total 會成千蚊. >_<

有人話係意大利球迷冇教養, 成日都搵呢d技倆黎阻止愛隊輸波, 又有人認為係大莊唔想輸搵人做野. 點都好啦, 我淨係知令我好鬼激氣...-_-

三分鐘熱度

同frd講開, 我由細到大學過好多野, 次次都唔長, 最長反而係國畫...由小三學到中三, 我學過:
1. 國畫 2. 書法 3. 棒球 4. 網球 5. 羽毛球 6. 結他 7. 跆拳道 8. 游水 9. 壁球 10. 日文 (sit過d 堂) ...etc.
我都唔記得仲有冇 , 細個年年暑假阿媽都要我學好多野, 可想而知我張張刀冇張利 -_-

yeah 買左新 DC

用左舊果部好耐了, 終於因為旅行下定決心買部新機!
我部新機正唔正呢?
http://world.casio.com/asia/news/2005/exz57_z750.html

救命

我近年有個習慣, 就係用個excel file 去記返自己用過d 咩錢, keep住每個月用既expense, 但唔知點解, 呢個file 無啦啦corrupt左, 我由年頭儲到今個月的 data冇晒, 好慘呀...還我data! >_<~~

用左幾多錢

呢排用左好多錢買野, 係因為心情唔好, 定係因為知自己就黎有bonus呢? 睇到card數要成6千幾蚊, 雖然有4千幾蚊係用黎訂機票既, 但都嚇左一嚇, 嘩! 乜咁搞呀?

改掉貪玩的性格

有時太貪玩, 會令身邊人唔開心, 我諗都係要改一改, 起碼要識理會佢既感受, 唔係真係都幾危 -_-"

度波 vs 運氣

有frd同我講, 賭錢運氣好緊要, 點tip都冇用, 冇運你用好多時間tip乜都係衰, 咁都岩既... 識我既朋友都知我有買下波, 以前就成日研究個盤, 最近因為私人理由反而少左tip波, 但暫時今個月都仲係正數, 證明tip波唔駛太多時間, 一陣就得架喇! 希望我咁樣tip一陣, 唔會太求其啦 XD

大拿拿萬幾蚊

今日去左travel agent 度拎機票, 去左銀行禁錢禁成萬幾蚊, 好鬼肉痛, 但冇法啦! 鬼叫去旅行咩! 好期待五月尾六月頭的奧地利+捷克之旅! ^^

開張大吉

雖然之前玩過blog, 但都係讀master時用黎記dissertation 的 progress, 今日見好友norman無聊整左個, 於是我又玩下, 整返個, 實行人整我又再整 hahaha XD