遊車河...竟然諗起交稅..肉痛

今晚無聊同frd 去遊車河, 佢架溝女戰車雖然舊左d, 但起碼都叫做紅色法拉利丫... 接完人放工, 三條友走去黃金海岸食鵝肝, 真係他條 @@

搞到我有d想要買車, 不過都係唔好喇, 買車不如買樓, 買樓不如儲返個錢....交稅要交好多錢, 宜家諗起都肉痛...>_<

積極工作

好耐冇試過 OT 咁多晚, 但都仲咁開心, 雖然係好累, 但好似有返工作的衝勁. 唔通真係每幾年一個loop? ^^"

骨骨

o係假期上左深圳骨骨, 大家唔好諗邪野, 係正經果d, 之前訓"禮"頸, 痛左幾日, 終於鬆返喇...

不過o係骨骨時, 果位姐姐仔一野lok 我條頸, 雖然係好舒服, 但事後返公司同同事講返起, 佢地叫我唔好再俾人lok 頸, 之前有人o係大陸咁樣, 返香港幾日後就癱了, 宜家諗起都驚, 下次唔敢了 @@

行 turbo 的化石人

咩叫行turbo? 就係我平時一集中精神做野, 所做既野的成效同埋速度會等於同時間三四個人一齊做野咁, 而呢樣亦係我一路自信的工作能力. 不過通常行緊turbo時, 周圍既事我完全唔會有留意, 成舊化石咁, 所以亦有同事幫我起左個花名 - 化石人 XD

而通常我行完turbo, 個人就會好累, 累到野又唔想講, 返到屋企呆呆滯滯咁, 可能呢d叫"系統待命, 充電中"呱 hahaha

不過講真, 今日一個人做左樣應該要用好耐時間先做得完既task, 宜家個腦乏晒力喇...都係休息下先

陪審員

我覺得自己真係好彩...
好彩在點解可以50人之中抽5個, 都可以臨尾抽中我做陪審員 -_-

仲要陪審團裡面, 有個無聊的大嬸, 好似諗住自己審緊一件好離奇的案件, 下午再上庭前又遲到要我地成班人等佢, 到退庭去陪審員室傾件案, 又要包拗頸, 明明唔係我地職責範圍上既事, 都要樣樣質疑, 連驗屍報告都唔信, 醫生d專業意見又唔信, 真係激到我地其他陪審員咩咁, 又唔可以ignore佢, 一定要傾到有共識先出得去, 搞到明明可以早走都要審到咁遲... 本來好地地有半日假, 咁就冇左 -_-!!!

尋日sick leave 訓"禮"頸

尋日sick leave 訓足全日, 搞到宜家訓"禮"頸, 條頸好鬼痛, 點先可以冇事呀 -_-