|
|
主頁 > 阿茶遊記 > 阿茶與傻妹豬豬之澳門遊記 |
旅遊地點: |
澳門 |
出發日期: |
2003年07月05月至07月06日 |
旅遊性質: |
自助 |
參與人物: |
阿茶、傻妹豬豬 |
|
今次係第一次同傻妹豬豬去澳門呀! 雖然以前都去過澳門而傻妹豬豬又出生於澳門,
但因為傻妹豬豬係未試過o係澳門旅行, 所以我地就去返一o的比較熱門的旅遊地點,
但由於我地事前因為工作忙冇咩準備到, 所以我地先去澳門的旅遊中心拎左本地圖,
之後就邊去邊plan喇, 今次都可以話係一個幾隨意但又舒服自在既澳門之旅~~~
|
|
|
你睇下上邊張相, 睇下我幾搞笑? 坐o係傻妹豬豬個褲袋果度, 懷著興奮既心情去旅行喇! 8P
我地去到既時候已經係第一日的四點幾啦, 所以先去位於"乙水"仔的酒店check in,
然後就開開心心咁去食豬扒包! 仲有飲o的好味既奶茶啦! 食完之後我地就影左一陣相,
又行下去o的大街小巷, 好好玩哦!
後來本來想襯仲有時間去媽閣睇下既, 但因為搭左一架超長途既巴士, 行左好耐時間先去到媽閣,
所以去到時已經入夜喇! 不過都唔緊要, 我地去到咪可以睇到夜晚既海邊係點靚法囉, 都好開心架!
哈哈! (我個人比較樂觀!) 一不離二, 二不離三, 我地就去左我從未去過既澳門旅遊塔睇下,
雖然我地傾過都係唔上去, 但係睇下面既水池同埋影下相, 真係好得意架!
(真開心! 我最鍾意影相, 尤其係自拍既雙人相!) ^_^;
之後就去左食傻妹豬豬的媽媽極力推介既上海菜, 真係唔錯喎! 食完就走左葡京玩兩手啦,
我份人可能比較好彩, 今次玩都同上次一樣, 都贏左錢, 不過我都幾識自制既,
贏到咁上下開始見個勢會輸就走人, 所以都有o的進賬, 幫補到下今次既旅行費用呀! 哈哈!
到見咁上下時間喇,就早o的返酒店訓, 預備之後果日既旅程!
|
|
第二日早上執完野, 食過酒店的自助早餐, 我地就出發去玩喇! 第一站就係議事亭前地, 果日好好天氣呀,
藍天白雲, 所以影出黎既相都特別靚! 我呢隻熊仔本來白雪雪, 都被咁勁既太陽曬黑左少少!
哈哈... 雖然天氣係熱o的, 但實在好玩喇!
|
|
|
之後我地去左聖道明教堂啦, 睇左聖物展覽, 跟住就去最著名既大三巴玩喇! 去完大三巴我地就去左大炮台啦...
澳門博物館啦... 講起去博物館, 我發現有個位置竟然有研究我個名字 --- 茶, o係各國唔同的讀法,
仲有得聽添, 好搞笑!
|
|
|
行左咁多地方之後, 我地就搭車去左東望洋山, 去睇下果個靚靚既燈塔, 你地睇下? 藍天白雲白燈塔,
再加埋我呢隻可愛的小白熊, 個構圖幾靚??? 哈哈!
|
|
|
|
上完東望洋山, 再搭返纜車落山之後, 我地就去左食著名既瑪嘉烈葡撻, 好好味呀! 食完就返去買手信俾各方友好,
再返去"乙水"仔既葡國餐廳食晚飯, 再返酒店拎返寄存既野... 就咁樣完成我地今次既旅程喇!
|
|
本來想去埋路環果邊, 但諗諗下都係留返下次我地再去時去啦, 到時先去果度游水! 同埋去今次未去過既地方!
澳門... 下次等我地再黎喎! byebye!
|
|
<< 完 >>
|
|
|
| |
|
|
|
原來LEGO世界中既旺角...
都係咁迫人 >_<
|
|
|
最佳瀏覽建議:
1024x768,IE5+/NS6+
|
|
|
|
|