|
|
主頁 > 阿茶遊記 > 珠海御溫泉之旅 |
旅遊地點: |
珠海 |
出發日期: |
2004年01月17月至01月18日 |
旅遊性質: |
自助 |
參與人物: |
阿茶、傻妹豬豬、亞希、SARA |
|
好開心呀! 返工做到腰酸背痛,終於可以放兩日假去浸下溫泉,聽同事講珠海的那間御溫泉酒店好似好正,
佢叫我唔好去買package,反而係自己打電話去御溫泉訂酒店,再自己買船票,好...我跟住做,
結果好好彩被我訂到最後兩間雙人房...嘻嘻!就係咁,我們就去兩日一夜的珠海溫泉之旅∼
|
由於亞希同埋SARA要遲 D 才到,我和傻妹豬豬便搭早一班船到珠海,再乘預先安排的酒店專巴到御溫泉,
我們真的很累呀!在車上亦熟睡到差 D 不知要落車,當落車到達酒店時,好多人招呼我們上房,一開房門...
嘩!好靚喎間房!係和式房間,房是舖有榻榻米的!參觀了一陣後,因為我們要等亞希他們來到才一起浸溫泉,
所以便叫room services 幫我們開了床舖訓返陣先..hehe
|
終於等到佢地來喇!我們便快快執拾好衣物就去溫泉喇!去到見到各式各樣的溫泉,有椰奶溫泉啦...咖啡溫泉啦...
酒溫泉啦...花溫泉啦...真在太多喇!因此我們便興奮地逐一試試唔同的溫泉∼ 嘩...當日好鬼凍呀,
我們由一個溫泉走出來,快快行去另一個時,個身就一路有熱蒸氣散出來,當時又唔覺得凍喎,可能浸完溫泉血氣運行得快呱!
呢種暢快既感覺真係難以形容哦!8P
|
最後浸到夠晒皮,仲去左塗那些海底泥按摩,舒服到丫...真係疲勞盡消呀...哈哈!出來之後,都已入夜九點了,
由於酒店送了燒煙花券,我們玩了酒店送的那些便去吃晚飯,酒店的西式餐廳有得免費上台唱卡拉OK喎..
於是我們便去那裡吃飯兼唱歌!哈哈...真係好搞笑,因為那裡可揀的歌都唔太新,唱的人又唱好舊既歌,所以我們在這
晚便懷舊一番,了揀左好多舊歌黎唱,我同傻妹豬豬、亞希同SARA仲唱左好多合唱舊到爆的情歌添...嘩哈哈!
|
之後我們便回房睡覺,所有辛勞都沒有了,到早上我們又忍不住再去浸溫泉,浸完便check-out再乘專車往拱北進發!
去到拱北,當然係買平價衫食下D小食啦,可惜當日落雨,所以冇咁盡興,亦唔係買左好多野,不過都好開心喇!
|
跟住我地由拱北過關去澳門,行澳門時仲去左義順食雙皮奶添! XD
食完晚飯就搭船由澳門返香港,兩日既行程就咁結束了∼都總算係開心又舒服寫意的旅程...嘻嘻!
|
<< 完 >>
|
|
|
| |
要記住:歷史上所有偉大的成就,都是由於戰勝了看來不可能的事情而取得 -- 差利.卓別靈, 著名默劇演員 |
|
|
|
原來LEGO世界中既旺角...
都係咁迫人 >_<
|
|
|
最佳瀏覽建議:
1024x768,IE5+/NS6+
|
|
|
|
|